• +374-55-78-32-83
  • Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։
  • CCD.AM
  • CCD.AM
  • CCD.AM
  • CCD.AM

Կանանց զբաղվածության կենտրոն Նոյեմբերյան քաղաքում

Սահմանամերձ բնակավայրերում կանանց զբաղվածության խնդիրները լուծելու նպատակով «ՎԻՆՆԵՏ Հայաստան»-ի ներկայացուցիչները հետաքրքրված են ընդլայնել   ՀՀ-ում կանանց ռեսուրս կենտրոնների ցանցը և կազմակերպում են կանանց սոցիալ-տնտեսական  կարողությունների զարգացման քննարկումներ ՀՀ տարբեր բնակավայրերում: 

Հենց այդ նպատակով սեպտեմբերի 11-ին ՀՀ Մարդու իրավունքների պաշտպանի աշխատակազմի Մարդու իրավունքների հետազոտական և կրթական կենտրոնի աշխատակիցները Կանանց ռեսուրս կենտրոնների եվրոպական ասոցիացիայի՝ «ՎԻՆՆԵՏ Եվրոպա»-ի գործընկեր «ՎԻՆՆԵՏ Հայաստանի» ներկայացուցիչների հետ միասին այցելեցին  Տավուշի մարզի Նոյեմբերյան  քաղաք:  Նախաձեռնող խմբի ներկայացուցիչները  Նոյեմբերյանի տարածաշրջանի  շահագրգիռ  կանանց ներկայացրեցին  ցանցի  առավելությունները և նշեցին, որ  Հայաստանին ցանցի անդամակցությունը բացառություն  է, քանի որ  ցանցում անդամակցում են միայն ԵՄ լիիրավ անդամ երկրների ներկայացուցիչներ:

«ՎԻՆՆԵՏ Հայաստան» խումբը իր  գործունեության ընթացքում Հայաստանի տարբեր բնակավայրերի սոցիալապես անապահով կանանց համար ստեղծել է մոտ 100 աշխատատեղեր:  Սահմանամերձ համայնքներում գործազրկությունը  նվազեցնելու և  տեղի  բնակչության  կենսամակարդակը բարելավելու  նպատակով «Սի-Սի-Դի» տարածաշրջանային համագործակցության ՀԿ-ի աջակցությամբ Նոյեմբերյանում ևս կստեղծվի  կանանց ռեսուրս կենտրոն, որը կհանդիսանա «ՎԻՆՆԵՏ Հայաստանի» Նոյեմբերյանի ներկայացուցչություն:

«Սի-Սի-Դի» թիմը խրախուսում է տարածաշրջանի տնտեսական զարգացմանն ուղղված ցանկացած նախաձեռնություն և պատրաստակամ է համագործակցել բոլոր այն կազմակերպությունների և անհատների հետ, որոնք  ունեն հետաքրքրվածություն կատարելու ներդրումներ Տավուշի մարզի սահմանամերձ համայնքներում:


© 2020 Community Center for Development NGO. All Rights Reserved.