Առաջնորդության դպրոցի ուսանողների և Նոյեմբերյան համայնքի տարբեր բնակավայրերի դպրոցները ներկայացնող աշակերտների հանդիպումը առիթ դարձավ արդեն ավանդական դարձած
համագործակցության շրջանակում ևս մեկ հետաքրքիր նախաձեռնության իրագործման:
Օրերս “StArioN” նորաստեղծ պատանեկան խումբը Առաջնորդության դպրոցի հրավերով մասնակցեց Առաջնորդության զարգացման 2023-2024թթ. դասընթացի ավարտական միջոցառմանը:
Խումբը հանդես եկավ հայերեն և անգլերեն երգերի կատարումներով: Խմբի անդամները՝ Սյուզի Ազատյանը, Նելլի Ավագյանը և Արաքսյա Ամիրաղյանը, հնարավորություն ունեցան նաև մասնակցելու Առաջնորդության դպրոցի հրավերով Երևան ժամանած դոկտոր Կարոլին Ֆարաջի (CNN-ի փոխնախագահ և “CNN Arabic”-ի գլխավոր խմբագիր) հետ հանդիպմանը, որի ընթացքում խոսվեց պատմություններ պատմելու հմտությունների և գործիքների, ինչպես նաև ժամանակակից լրատվամիջոցների հետ արդյունավետ հաղորդակցման ձևերի մասին:
Նախաձեռնությունն իրականացվել է Համայնքային կարողությունների զարգացման գործնական կենտրոնի գործունեության շրջանակում: Կենտրոնն ստեղծվել է «Սմարթ Նոյեմբերյան» ծրագրի շրջանակում, որը ֆինանսավորում է ԱՄՆ միջազգային զարգացման գործակալությունը և իրականացնում՝ «Քմյունիթի սենթր ֆոր դիվելոփմենթ» տարածաշրջանային համագործակցության հասարակական կազմակերպությունը։