2017թ. Օգոստոսի 31-ին Տավուշի մարզի Նոյեմբերյան քաղաքում Սուրբ Սարգիս եկեղեցուն կից բացվեց Կիրակնօրյա դպրոցի նոր մասնաշենքը:
Այն ձեռք է բերվել և մասնակի վերանորոգվել Տեր Բագրատ եպիսկոպոս Գալստանյանի նախաձեռնությամբ, Տեր Սմբատ քահանա Աբրահամյանի աջակցությամբ և կանադահայ բարերար Վարուժան Մանկասարեանի հովանավորությամբ:
«Տավուշի մարզի ինտեգրված և հավասարակշռված տնտեսական զարգացում» ծրագրի աշխատանքային խմբի և ծրագրի կառավարման խորհրդի անդամների մասնակցությամբ տեղի ունեցավ առաջին աշխատանքային հանդիպումը:
«Սի-Սի-Դի» տարածաշրջանային համագործակցության հասարակական կազմակերպությունը «Աջակցություն շաքարախտով հիվանդներին» ծրագրի շրջանակներում ROCHE կազմակերպության հայաստանյան ներկայացուցչության աջակցությամբ հերթական անգամ գլյուկոմետրեր և ստրիպներ տրամադրեց Տավուշի մարզի շաքարախտով հիվանդ 130 սոցիալապես անապահով անհատների:
«Տավուշի մարզի ինտեգրված և հավասարակշռված տնտեսական զարգացում» ծրագրի իրականացման շրջանակներում «Քմյունիթի Սենթր ֆոր Դիվելոփմենթ» տարածաշրջանային համագործակցության հասարակական կազմակերպության աշխատակազմը պարբերաբար կազմակերպում է աշխատանքնային հանդիպումներ Տավուշի մարզի բոլոր համայնքներում, որոնց մասնակցում են տարածաշրջանի համայնքների ղեկավարներ, գյուղատնտեսական կոոպերատիվների ներկայացուցիչներ, գյուղմթերք արտադրող և վերամշակողներ:
«Տավուշի մարզի ինտեգրված և հավասարակշռված տնտեսական զարգացում» ծրագիրը իրականացվում է «Քմյունիթի Սենթր ֆոր Դիվելոփմենթ» տարածաշրջանային համագործակցության հասարակական կազմակերպության (նախկին` Աջակցություն Նոյեմբերյանին ՀԿ) և Տավուշի մարզի «Արոտօգտագործողների միավորումներ» սպառողական կոոպերատիվների հետ համատեղ, Եվրոպական միության և ՀՀ տարածքային կառավարման և զարգացման նախարարության համաֆինանսավորմամբ:
2016թ.-ին «Սի-Սի-Դի» տարածաշրջանային համագործակցության ՀԿ-ն իրականացրել է «Աջակցել կանանց ներգրավվածությանը քաղաքականության մեջ» ծրագիրը, որը ֆինանսավորվել է Ժողովրդավարության Եվրոպական հիմնադրամի կողմից: Հիմնադրամի աջակցությունն ուղղված էր տարածաշրջանում ընտրությունների անցկացման գործընթացում քաղաքացիական հասարակության ակտիվ ներգրավմանը և գենդերային արգելքների վերացմանը, ինչպես նաև խրախուսել գյուղական բնակավայրերում ապրող կանանց մասնակցությունը տեղական ինքնակառավարման մարմինների ընտրություններում: